|
|
نویسنده :
|
موضوع :
محمد حسین غلامی سرای |
|
« ترجمه ی منظوم و ترکی مثنوی موسی و شبان مولانا»
« زیباترین ترجمه ی منظوم از مثنوی»
« به قلم : استاد غلامی سرای»
گوردی موسی بیر چوبانی دشت ده
ال اوجالدوب گویلره سسلیر نجه
ای منوم آللهوم ای پرورگار
بینوا لر ایستیور سنن قرار
هارداسان سن تا اولوم نوکر سنه
خدمت ایلوم درگهین ده یک تنه
قوی چارقلارو تیکوم تز تز مدام
تللرو شانه وروم هرصبح و شام
قوی یووم پالتارلارو آرامینن
قوی سنه تقدیم ائدیم سود جامینن
گر یوخون گلسه متکا بسلیوم
نازنان گر من اویاتسام سسلیوم
ای سنه قربان بو چول یولداشلاریم
ای سنه قربان اوجالموش قوشلاریم
کوک قویونلار چوللرینده بسلدیم
من سنین شوقیندا هی هی سسلدیم
هی دییوردی اوچوبان بو سوزلری
بوردا دا ناظردی موسی گوزلری
پس سوروشدی حضرت موسی فلان
سن کیمینن سن بوجور بیر ائد عیان
سسلدی اوننان که یرلر گویلری
خلق ائتدی آسمان و اختری
او وجودی که یاراتدی داغلاری
بارنان دولدوردی رعنا باغلاری
سسلدی موسی که گمراه اولموسان
کفر ائدیرسن خارج از راه اولموسان
بو نه بیهوده دانیشماقدی اوتان
آغزوا بیر پنبه آل بیردم دایان
کیمله بو گونه دییر سن ای یازیق
عمه وه یا خاله وه تیکدون چاریق
اوگییر باشماق که وار اوندا ایاغ
هاردادی الله ده بونلار سراغ
بول سنون کفرین جهانی دولدوروب
دین آغاجون ریشه سینن سولدروب
سسلدی موسی نه یاندیردون منی
نه قزیل گوللر کیمون قیردون منی
بوعتابینن یومولدی لبلریم
یاندیم آخر یاندیم آخر ای کریم
یاندیران بیر آه چکدی دل غمین
ائتدی پاره پاره جان پیراهنین
اوزقویوب داغ داشلارا سیر ایلـدی
بو زمان موسانی آلله سسلدی
وحی گلدی عرش والادن داها
بنده می منن آییــردین موسیا
سن گلوبسن جانلاری وصل ائدماغا
نه گلوبسن قیرماغا آیریلماغا
آیریلیقدا سن چالیشما ای عزیز
پیس ترین ایش لر طلاق اولدی بیلیز
هرکسه بیر راه و منطق وئرموشم
هرکسه بیر اصطلاح اورگدموشم
بوعرب دی یا عجمدی یا چوبان
هرکسی اوز لهجه سین ایلیر عیان
باخماروق ظاهرده کی بیز دیللره
مشتری اوللوق اورگ نیسگیللره
باخماروق بیز دیل اگر گمراه دی
بول سنیق گویلی آلان آلله دی
موسیا عاشق لره یول آیریدی
عاشقانه ساغینان صول آیری دی
عشق بیر مذهب دی عشاقین
یخار روح لار اوز قالبینن آیرلار
چون که موسا گوردی قهر ربینی
اضطراب آلدی توتولموش قلبینی
مضطرب قاچدی بیابان ایچره
داغ تا تاپا باری چوباننان بیر سراغ
بی امان ردینده سزقین گام آتور
عاقبت او عاشق پاکه چاتور
سسلدی وئر مژده ای آزادمرد
گلدی فرمان عرش دن ای اهل درد
هیچ یول آختارما داها رسم ایستمه
هرنه ایستور چرپنان گویلون دئنه
سسلدی موسا من اوننان کچموشم
من اورگ قانیندا ایندی بیتموشم
ایندی من توپراقیدان آیریلموشام
خیمه من عرش خـداده وورموشام
تازیانه ووردون ای جان مرکبیم
کچدی گویلردن اوجالدی کوکبیم
سینماسیدی بو اورگ اولمازدی
ناب آفرین او پنجه وه ای آفتاب
سیندی قلبیم تاپدی ارزش تا اونا
منعکس اولدی تجلای خدا
ای «غلامی» سن ده عشقین
نشئه سین او چوباننان آل تمنا قیل یقین
برچسبها:
موسی_و_شبان_ترکی,
معروف_ترین_شعر_استاد_غلامی_سرای,
مرکز_فرهنگی_شهید_جدیری_کهنموئی,
ترجمه_ترکی_موسی_و_شبان_مولانا |
|
|
مداح شهید سرگرد پاسدار محمود جدیری کهنموئی از شهدای روستای کهنمو از توابع شهرستان اسکو در استان آذربایجان شرقی می باشند.به امید شفاعت شهیدان صلوات
| |
|
